Oleh : Muhammad Irwan H. Husain A.Gani
(29 Ramadhan 1441H/22 Mei 2020)
Wura Puasa Na-nee Ra-nggori
Rongga Ra-wakatu Di-dula Kaina
Sawura Mampuli Ntoin Nggeena Labo Ndai
Mai Ndua Ra-bohona Samena Ra-ntaun
Wura Puasa Na-Neera Lao Dula
Lao Waa Hanta Saraa Tiwara Di-Wii
Samenana Aura Karawi Kalampa Ba-ndai
Di Mbeina Ra-‘donggo Di Ruma Allah Ta’ala
Wura Ma-raso Ra-nira Na-lao Dulara
Waura Mai Waca Ka-rasona Ade Ra-hodo
Mai Ka-mbora Samenan Ncara Kancaru
Wati Paresa Satoi Ra-mboto Ma-sampu Ra-nggele
Wura Puasa Ma-nae Bareka Na-lao Impira
Watiru Mai Poku Ra-Dula Mbali Walina
Lao Dula Waana Sarome Ra-Neo Adena
Ba-ore Douma Weha-ao Bareka Ra-waana
Ore Dou Manangi Ba-lao Dulana Wura Puasa
Makalampa Puasa Kai Ade Ma-poda
Ba-iuna Weki Mbuipu Kurapu Mboton
Ka-lampa Kanggini Samena Ka-rawi Mataho
Konena Ntuwu Baca Ra-ngaji Karo’a
Pala na-iumpa Watipu Nggori Ra- rongga
Konena Wau Kalosa Ra-ndua Zaka ra Sadeka,
Naiumpa watipu Ncihi Tupa Ra-patu Di-ruu Ba-dou
Kiri Lao Dulamu Wura Puasa Ma-nae Bareka,
Hampa Sandedempa Ra-wau Di-karawi Ka-lampa
Watiweta Hompa Suju Ra Roko Sambea Sidi Sambia,
Ba-neeta Kasimpa Oretoi Osu Di-raka Labo Di-reke
Oh.. Ruma Allah Ta’ala Ma-katantu Mori Ra-woko
Kadondo Ra-kandende walitoi Mori Madadoho
Loatoi Rumpa Angiwali Labo Wura Puasa Mbaa Ma-kento
Nanaha Mboto Walitoi Isi Kambuti Di-Osu Di-waa dula