NGGAHI RAWI PAHU

Muneesi Ntau Coi Mori Ra-woko
Muneesi Disakaka Ra-reke Ba-dou,
Karawi Kapahu Aura Nggahi Ra-pehe,
Na-imbiku Ba-dou Santoi Mori,

Nggahi Ra-elipu mantau Elo,
Nuntu Ra-talapu Ma-loa Dinenti,
Aian Tala Ra-bila Malao Talu,
Cumpukain Na-lao Ntalimpelo,

Nggahi Rawi Pahu Moda Di-pehe,
Ncarasi Laona Ore Dou Ma-pahe Ra-peha,
Ncihisi Laona Ore Dou Ma-pohu,
Nacaru Silaona Mboto Dou Di-paha

Ngahi Rawi Pahu Nakataroaku Ma-rindi,
Watiwara Nuntu Ma-daloa Di-nenti,
Aura Sake Na-moda Di-Soke,
Samena Ra-toho namaikai Ba-taho,

Karawi Kapahupu Aura Pehe,
Samenana Ra-nggahi Aiana Kapea Kanai,
Aina Mpaa Sake Kaimbi Ade Dou,
Watisi Waumu Karawi Kapahu,

Nggahi rawi pahu moda Di-pehe,
Watipu Tantu Loa Di- kapahu,
Wancuku Moda Kaumu Dou,
Palawancuku Ncoki karawi Ba-ndai,

Nggahi Rawi Pahu Aina Hampa Ba-pehe,
Tio Kabae Auneemu Ka-bua,
Sandaka Ka-taho Loaku Wati Mboho,
Baiba Tambaha Di-iuba Dou Ma-ndiha.

Ncarasi Kalampamu Nggahi Rawi Pahu,
Na-ncea Barea Nuntu Ba-dou,
Na-ndaru ndunggu Bune Dana Ma-Nduha
Wati inca Ba-kambuti pahumpa ipi Mbotona,

Sandaka Kataho Mena Bandai,
Mangarana Nggahi Rawi Pahu,
Kone Mboto Ma-Mamengi Di-rumpa,
Aina Mpaa Rampa Baiba Cua Rempa angi
.

Mataram, 1 Juni 2020 M.
IRWAN HUSAIN A.GANI

Leave a Reply

Your email address will not be published. Required fields are marked *